قولي ايه مالك متغيره احوالك قولي ايه حكايتك................. بقلم علاء عبده.
متغيره احوالك
قولي ايه حكايتك
و ليه كدا ساكته
متغيره افعالك
افتحي لي قلبك
و احكي لي اسرارك
و ايه شاغل بالك
سامعك انا و حاسك
من عينك انا فاهمك
عارف انا مالي
حالي ما عاد حالي
قلبي انا موجوع
و الحزن عليه مكتوب
ساكن في كل مكان
في الروح و الضلوع
الامر بات محكوم
مصيري بات معروف
الفرحه مش ليا
ليا اعيش الحزن
و اعيش انا منسيه
و اصحى و انام في هموم
الدمع على خدي
و الجرح من بختي
حظي كتاب مقلوب
حروفه مرصوصه
و مشكله الاحزان
باين كدا يا قلبي
محكوم عليك بالموت
ازاي و انا جنبك
يكون كدا حالك
تعالي هنا جنبي
فاتح لك احضاني
في عيني انا هشيلك
و القلب اكيد صاينك
الوعد دا وعدي
و ربنا شاهد
لمسح انا دمعك
و اكون انا فرحك
و اعيش معاكي عمري
تحبيني و احبك
انسي اللي فات م الحزن
و ارمي ورا ضهرك
وريني كدا الضحكه
مرسومه على خدك
حبيبي ما تسبنيش
بعدك انا ماليش
انت حبيب عمري
و دنيتي و فرحي
حبيبتي انا جنبك
معاكي مش سايبك
غير لما القدر يحكم
و العمر كدا ينفد
و تنتهي الايام
و تعيش علي ذكراي
ادعيلي بالغفران
ساعتها هكون ماضي
و من دنيتي ماضي
بقلم علاء عبده.
تعليقات
إرسال تعليق