( الشيماء) ؛؛؛؛؛؛؛؛؛؛؛؛؛؛؛؛؛؛ بقلم الشاعر/ مغاوري كروش
؛؛؛؛؛؛؛؛؛؛؛؛؛؛؛؛؛؛
قصيده بالعاميه المصريه
************
ياحبيبتي
كلمه اقولها
مش مجرد كلمه توصف
في المكان
ياحبيبتي
مش مجرد كلمه تعبر
في الزمان
ياحبيبتي
مش مجرد كلمه تجري
ع اللسان
كلمه هيه جوه قلبي
قلب شاعر
عن لسانه
ومن كيانه
قلت احبك
بالفصاحه وبالبيان
لو ماقلتش
قلبي يبكي زي عيل
لسه طازه بوأوآته
راح ينهنه
راح يفضفض للحنان
اصله فاكر
انه يمكن
يوم حافارق
وللا توه ف المفارق
مش حافكر ياحبيبتي
ف اللي هو
بالي بالك
مش حاشوف الامر حالك
ليه افكر وانت نبقه
تعيش وتبقي
كل مادا
تزيد وترقي ف الميزان
مش حافكر
لو حاصادف
الف ضبه
والف حارس ع البيبان
ليه افكر
وانت فيه احلي طعم
واحلي سكر
وف مكانك جوه قلبي
ياحبيبتي
البيت أمان
لو حضرتي وللا غبتي
لوصالحتي او خاصمتي
مش حاعاتبك
اصلي عارفك
لون وريحه وحبهان
واما قلبي
داب في قلبك
فاز بملك وصولجان
عن يمينه الورد احمر
وف شماله العود ريحان
لما اقول لك ياحبيبتي
اسمعيها
حسي بيها
لما اقولها طالعه مني
صوت بيصرخ في العنان
الشاعر/ مغاوري كروش
تعليقات
إرسال تعليق