للقلب احلام وامانى,,,,,,,,,,,,,,,,,, بقلم ,,,,,,,, زغلول الطواب
كلماتي
زغلول الطواب
للحب منهج رباني
لما بيدب في القلب
لحلاوته طعم الحب
بيخلي القلب هيمان
يدوب ويرق من تانى
لما الحب يرفرف
فى القلب ويحوم حواليه
معرفش ايه بيجرالى
بحس بيا كأني مش انا
بنسى اسمى ومين انا
الاقى نفسى توهت انا
ورجعت ادوق طعم
حلاوة الحب من تانى
حبيبى لما نادانى
سحر عنيه أخدنى ووداني
لدنيا غير الدنيا
دنيا الشوق والغرام
فيها دفى وحنان
دنيا اتمنى اعيشها
كل لحظه من تانى
دنيا فيها كل حاجه حلوه
الضحكه تحسها غنوه
والوقت ويا الحبيب
بيعدى فى ثوانى
اه من الحب وحلاوته
اه من الشوق وعمايله
كانه نار قايده
فى البعد وفي القرب
وفى الهجر بركانى
لو بينفجر ف ي أي لحظه
بيشعلل قلبى ووجدانى
ابات احلم بالنهارده
وأبات أسهر لبكره
واعيد سهري من تانى
تعليقات
إرسال تعليق