هَــزَعَلِـــــكْ --------------.بقلم,,,,,,,/ محمد توفيق مصر- بورسعيد
هَــزَعَلِـــــكْ
--------------.
مش كل مرة ادلعك
وأنسا عقلي وأرجعك
يبقى أنتي اللي بتظلمي
وتدوسي ولا يوم ترحمي
وتهدديني وتهجري
وأنا اللي دايماً بسمعك
وانسا القاسية وأرجعك
صدقيني
إني في الآخر هثور
والعن في قلبي والعنك
وقدر في يوم ازعلك
------------.
الحب مش هجر وفراق
الحب نعمة من السماء
ليه عمري هيضيع في البعاد
مع قلب نساني المُنَـــا
وياما بكاني أنا
في كل مرة يشتكي
ولا عمره حسسني بوفاء
صدقيني
من كتر ظلمك والعناد
القلب رافض يسمعك
حتى ضاع الاشتياق
ورفضت اني أرجعك
صدقيني
إني في الآخر هثور
والعن في قلبي والعنك
واخرتها راح أزعلك
-----------.
أنا طير وطاير في السما
أنا حر عايش في هنا
ولا قلب بيسوق الدلال
ولا يوم اعاني من الآلام
والقلب عايش في هيام
ياما كتير وقولتلك
وغَصَبت روحي وروحتلك
وقولتلك إني هثور
والعن في قلبي والعنك
وقدرت إني ازعلك
--------------.
شعر
مصر- بورسعيد
تعليقات
إرسال تعليق