اوهام ........,,,,,,,,,,,,,,,,,,,,,,,,,,,, بقلم,,,,,,,,,,,عاطف عبد الحميد
........
لما تحاول تعمل جامد
و انت مقطع من جواك
و تلملم جواك الشارد
لو لك ماضى بيحري وراك
و الايام تتسرسب شمعه
تنده تحلف لك مش راجعه
تضحك حتى حدود الدمعه
بس دموعك مش سامعاك
.........
لما تعيش مقسوم نصينك
نص مخاصم نصه التانى
ماضى دموعه جارحه عيونك
بكره ف حلمه تملى انانى
يومك بين لتنين محتار
بين الجنه و بين النار
عمرك عاوز ألف قرار
وانت مابين شطين وحدانى
.......
لما تكون جواك متغرب
بره العالم من حواليك
تنده ع الاحلام تتهرب
ومافيش غيرك حاسس بيك
وعشان عامل قلبك سجنك
و الاوجاع ملمومه ف حضنك
تهرب من روح على حزنك
تتكعبل ف الخوف أغانيك
........
عاطف عبد الحميد
تعليقات
إرسال تعليق