،رافضة النصيحة،،,,,,,,,,,,,,,,,,,,,,,,,, بقلم,,,,,،،للشاعر رمضان البربري

،رافضة النصيحة،،،،للشاعر رمضان البربري

رافضة لأي نصيحة
وكل كلامك تجريحة
بطيحي في قلوب صريحة 
وأنتي مبتتغيريش

كل حواراتك قديمة
وأنتي مش لئيمة
وياريتك بنت حكيمة
وف عنادك متتصدريش

حلوة وجميلة وطعمة
ورافضة حتي النعمة
عايزة تعيشي الضلمة
وللأحلام متروحيش

واقفة محلك سر
بيضيع منك العمر
وشبابك طايلة مر
والأسية مبتتنسيش

كل العشاق بتهرب
من القمر إللي بكهرب
وحياتة سر أغرب
وكلامة مينحكيش

يابنت يا مستبدة
كوني للحلم مستعدة
وخلي حياتك مستجدة
ومن أفراحك متهربيش

متبعديش الناس عنك
خلي أسلوبك فنك
والكل جنب منك
وعن البساطة متحديش

خليني أتباهة بيكي
واعيش لسحر عنيكي
واعيش العمر حواليكي
واكونلك وميهمنيش