مشوار طويل,,,,,,,,,,,,بقلم,,,,,الشاعر/ عبد المنعم حمدي رضوان

كلمات بمناسبه حلول يوم ١١/٤ وهو يوم ميلادي

مشوار طويل

عشت كتير وعرفت كتير بس
لسه بحس انى انا جاهل

قابلت كتير فى حياتى وقعت
وقمت وياما هشوف وااقابل

وخضت معارك فيها انتصارات
وانكسارات وازمات ومشاكل

كل عباد الله جهله بيتعلموا
سبحانه هو العالم والكامل

كل مزاد العمر بعرف واتعلم
ازاى اقدر اتعايش واتعامل

والدنيا بحورها وسيعه وغريقه
ووعره ومليانه مجاهل

وكل مقول اتعلمت وفهمت
اتعثر والدنيا تقولى تستاهل

ومهما ااقابل فى حياتى اتعودت
اتحمل واصبر واتفائل

بس بقيت بصبر واتحمل وبقيت
بصفح واغفر واتساهل

وقليل دلوقتى لما ازعل واتنرفز
بتفادى عالطول اي مشاكل

فى الدنيا سدود وموانع تقدر
تجتازها بنجاح لو بتحاول

مهما تفشل صحح وضعك
وحاول واغلط وارجع حاول

اكيد راح ينجح سعيك اتعثر
بعدها اتقدم خطوه وواصل

خليك صلد واتحمل واصبر
وعض على الحق واياك تتنازل

اياك ترضى كرامتك تتهان يوم
او نفسك تتذل او تتساهل

اياك تظلم الظلم ظلمات فى
الدنيا والاخره خليك عادل

ياما شفت فى الدنيا مواقف
وعجايب ومواعظ ومهازل

الدنيا. مدرسه للشطار يتعلموا
وعلومها مشارب ومناهل

الشاعر/ عبد المنعم حمدي رضوان
(طعم تاني)