عشان غني,,,,,,,,,,,,,,,,بقلم,,,,,الشاعر طاهر مختار عتيت

عشان غني وصاحب سلطه أصبح الفقير ف نظره مالوش لازمه

عمال يؤمر وينهي كإنه عابد عنده وبفلوسه يكسره ويذله

حاسيس بنفسه والكبر واخده وفاكره بكده ان مافيش حد زيه

مسكين غايب عن وعيه وفاكر ان الموت بعيد عنه ومستحيل ف يوم يواجهه

ماحدش قادر يواجهه ولا يوقفه عند حده وأصبح القرش اله ومش حاسيس بظلمه

يذعل لو فقير طالب بحقه يطرده ويقطع رزقه بعد خدمة سنين طويله عاشها معاه طول عمره

لا عمل حساب للعشره ولا حساب لربه آللي كان السبب الوحيد ف تحقيق هدفه

ولما حس انه له كلمه والكل هاينفذ أوامره أصبح ديب مسعور ومش شايف غير مصلحته

داس ع الكل حتى أعز وأغلى شيء كان ف يوم واقف في صفه ودايما بيسانده

ووقت الجد فصله وأجبره انه يبعد عنه ورفع سلاحه ف وشه

كل دا كان ليه عشان القرش سيطر على عقله حتى مش عارف يحدد مين بيحبه ومين إتخلى عنه

ونسي انها دنيا زايله حتى لو الكل ف صفه مع الرغم ظلمه وإحساسه بنفسه

هايجي يوم ويقف قدام ربه حتى آللي كان بيأيده مع الرغم ظلمه وسوء تصرفه

ومعاملته للناس آللي ياما ضحت عشان تسعده وترسم السعادة داخل قلبه

لكن كل واحد بياخد دوره حتى آللي نصره ووقف ف صفه وكان سبب ف فصله

ربنا شاهد وشايف كل حاجه بتحصل من ورا ضهره وهايرجع الحق لصاحبه

مهما طال عمره حتى لو فلوسه ف حضنه ربنا قادر ينصر عبده

ويعوض عليه سنين ظلمه ليه من يوم ما إشتغل عنده ويرفع من وضعه قدام أهله وزمايله.

ويزيل دموعه ويعالج همومه ومشاكله دا الرزق بيد الله مش عبده ودي الحقيقه مهما كانت الظروف والمشاكل آللي بتواجهه.

وقادر كمان يذله ويحسسه ان الفقير أفضل منه ومهما دامت الدنيا لينا يوم الكل هايتجمع وكله هايخد حقه....

يارب قادر تهديه وترجعه لوعيه وتحسسه بجباروته وظلمه وان الفقير بشر مش عابد عنده.....

الشاعر طاهر مختار عتيت

شاعر العصر.... تحيا مصر

كفر الزيات.... اكوه الحصه