عدت سنه ,,,,,,,,,,,,,,,بقلم,,,,, الشاعر : حسن حلمى

قصيدة : عدت سنه . .31/ 12/ 2019
بقلم الشاعر : حسن حلمى
عدت سنه
بس القلوب علي وعدها
ولا عمرها
تقدر تخون اللى اشترى
يوم نبضها
طول عمرنا متشوقين
يوم القا
ياللي مكانك جوه قلبي مهما
بينا الزمان
عمر السنين ما تطول علينا
وانت ساكن
في المكان اصل الحنان
عمره ما كان
بيتلمس زي الايدين
تصدق بايه
لسه العيون متشوقه
لنظرة حنان
زي زمان زي ما كنا في يوم
بنحضن بعضنا
نحس الامان
ياللي الزمان
عمره ما يوم هيغرك
اصلك حنون
ونبض قلبك دافي
فى برد الشتا
زاد المطر بس عمر الحب
بينا ما ينتهي
ومها زاد العمر بينا
ما يفترق
بينا الطريق اصل القلوب
علي وعدها
انت وانا

بقلم الشاعر : حسن حلمى