(بحسك معايا,,,,,,,,,,,,,بقلم,,,,يحيى نفادي سيد
نظرت لصورة صغيرها التي
فقدته ف أحدى الموالد
فقالـــــــــــــــــــــــــت
((((بحسك معايا)))
يا بني يا ولدي يا ضنيا
يا نبض قلبي اللي لسه جويا
م بعدك تغيب عن عيني فرحتي
و الدنيا توه ويا غربتي
لكن بحسك معايا
لما يجري الدمع م عيوني
ويبكي الشوق اللي ف جفوني
وتدور الدنيا وتلاقيني
بداري الخوف اللي كويني
يخاف الندم عليا
بشوفك ديماً م حوليا
و بحسك معايا
آه لو لبس الشوق توب حرماني
آه لو جف الدمع م عيني وأجفاني
ما يروح الصبر م عمري
ولا يهرب صوتك م سمعي
وأشوف صورتك ب تناديني
ويا النجوم ب تواسيني
أحسك معايا
لو تقول الدنيا للناس حكايتي
لو يبكي الموال على رويتي
تشوف الورد يدبل على غصونه
ويغرق الحزن على شواطئ بحوره
ومين للكبد يا ولدي يكابد
لهفة وحسرة وحيرة غير
قلبي اللي حسك معايا
&&&&&&&&&&
يحيى نفادي سيد
تعليقات
إرسال تعليق