وإيه يعني,,,,,,,,,,,,,,بقلم,,,,أحمد الصاوي

( ؛ ؛ ؛ وإيه يعني ؛ ؛ ؛ )

وأيه يعني يموت
الشوق وتمنعني
أشوف طيفك فى حلم جميل
وأنادي عليك وتسمعني
وأيه يعني تخون همسك
وتنساني وانا فاكرك
حبيبي ونبضي من لمسك
بكل ملامحي بندهلك
بلاش البُعد يسرح بك
وتموت غناوينا من جرحك
يا ناسي العمر ليه وحدك
تختار بعادي أريح لك
فين النجوم تشهد لنا
على اللي فات من حبنا
يوم ما كنا مع القمر
فاكر تعالى كل السهر
لما النجوم تسهر معانا للسَحّر
فاكر حبيبي كل ده
ولا كله كان سراب
وسيبت لي القلب اللي داب
أهرب وأجري منْ الهوى ولا اللي غاب

إسمع ياعمري شكوتي
كلمة عتاب
ولا خلاص راح الحنين
يوم ما القدر
حكم علينا نفترق
وكل واحد مننا يمشي فى طريق
يا ترى هوه الطريق اللي اترسم
ولا طريقنا بالألم
ساكته ليه اتكلمي
يا حته مني أُرفضي
نعيش بعاد وتكملي
يجيكي قلب تكملي
ردي قولي اتكلمي
ردي عشان يصحى الأمل
واحنا عايشين على الأمل
هوه الحنين ملوش تمن
ولا السهر بين النجوم ويّا القمر
دا حبيبي
أحلى من القمر
هوه القمر يا حبيبي ايه
فيه الحجر
خليني اقول ضي القمر
خليني أسرح فى الزمن
بلاش تجيب سيرة الشجن
واحلم ببكره والأمل

....... ..... .... .. .
أحمد الصاوي مصر ٣١ / ٣ / ٢٠٢٠