أجمل صديق......,,,,,,,,بقلم,,,,تاج السر مصطفى

......أجمل صديق......

بيني وبين الليل محنة
كل صديق ما ببقى ليلك
اصلو ليلي علي احنا
ما بمل من طول كلامك
حتى لو ضلم وجن
ليلي مازي الليالي
ليل ملان بنجومو غنا
ما اظن في يوم تمرد
ولا عاند او تجنى
شايل غماماتو ونجومو
وكل حكاياتو وهمومو
وحتى قمرو ليو تمنى
اصلو ليلي جميل ونادر
لا هو ظالم لا هو غادر
ديمة بالتحنان يبادر
لا بفارقني ويهاجر
ولما اسرح مرة عنو
بلقي في قدامي سادر
حامل الاشواق معاني
وباني للاحلام منابر
لو نسيت في يوم اقالدو
ما بفوت ينساني عابر
كل حكاياتي القديمة
الحلوة منها والاليمة
كل نجمة من نجومو
بتدي لي دنياي قيمة
ليل معلم لا بفارق لا بألم
يسمعك طول ماهو صاحي
ولي مداينك هو البسلم
اصلي يا ليل كنت تايه
يلا ابقى لي منارة
وخلي قمرك يضوي ديمة
يبقي لي سفني الفنارة
والمسافات البعيدة
القى في دربا الاشارة
داير اسرح في حواريك
حلة حلة وحارة حارة
ما اظني اسيب ديارك
انت يا ليل الحيارى
والمداين اللسة غايبة
لينا بتحدد مسارا
كل ليل بسالني عنك
وعن كواكبك وين مدارا
اصلو ما بلقالي ليلا
كل نجومو تحب ديارا.....

بقلم

تاج السر مصطفى.....