شنو صار الحكم من غدرو السبطين,,,,,,,,,,بقلم,,,,رياض رحيم المظلوم

شنو صار الحكم من غدرو السبطين
اميه الجاهليه اتريدهه ترجع

بدل ما ينتشر عالعالم الإسلام
مر بيهم وكت صار الوضع اشنع

كد ما جادلو زود النبي وآله
الغدر بطفوف من صفين صار افضع

شنو ذنب الحسن وحسين
إمام ابسم وإمام ابسل اتبضع

دنيه والله امخير فعل إنسان
آيات التلاوه الناس كل تسمع

يجي يوم القصاص امن الكفر بالدين
بيه اعناق كل جبار إله تخضع

كل ظالم تشمله اللعنه بالدارين
بس التاب اعماله إله تشفع

نفسك لا توهم بالشُبه متفيد
نيتك صفي يبن آدم الك أنفع

اصبر عالصعب الباطل اشميكون
بالك لحظه من عمرك إله تخضع

يزول الباطل وتبقى المواقف زود
بالحق النطق الچلمه خل تطلع

تأثر لا تگول الچلمه شنهي اتفيد
الله قرآنه منه فلا اروع

بيه ذل الكفر والجور والطغيان
الله ابحزبه كل احزابهم يردع

امن أهل الله صير ولا من الاحزاب
لتصير ويه باطل صير جذره اشلع

شفت اشگد فساد اعله الوطن جابوه
ابجور السياسه والطغى اتربع

على خزنة عراق حسين المذبوح
من أجل العدل والناس تترفع

عن دنية نفس وتصير طيبه اعمال
جور ابظل حكومه الجور اتوسع

انتفضنه ورادو ايشوهون إسم تشرين
ترد تشرين عالعالو فلا تجزع

گبل هم صار هيچ ابثورة العشرين
ظل إسم العراق ثورات إله تطبع

يظل شعب العراق أكبر من العادوه
يظل حسين رمز إباء إله نخشع

رياض رحيم المظلوم
محرم ١٤٤٢
29/8/2020