حبيبتي راميه ضحكتها,,,,,,,,,بقلم,,,,,حمدى البوقي
لبعد عين الشمس
سنتها لولى
قلبها اخضرانى
وعمرها الوردى
قاعدة بتغني
وحلمها صغنتوت
عملت مركب دهبى
تعديها لبعد الشمس
شكل غناها
طاقة فى سماها
قمرها عداها
خايفه تروح م ترجعش
وجرح البنانيت بيكيد
تعالى قربى المسافات
خطى وسمى
سبع خطوات
خطى على قلبى بضحكه
ودورى ف صحن الدار
خففى الوجع
بدمعك السارح
ورمشك الجارح
وفكى سجنى
والسجن جوه
ف القلب يامه
ف الروح ضلامه
ف عيونى حراسه
ع القليب واقفين
يدقوا تقف الحياة
اموت مكانى
السجن موش قضبان وقيد
ولا سلاسل حديد
السجن روح بتخاف
لتروح بعيد ....
السجن كلمه بنداريها
مهما كانت روحنا فيها
بنتوه ف دروبها وحواريها
السجن دمعة
بنخاف لحد يحس بيها
السجن قمرايه
كانت عاشقة للقمر
بس خافت
بس نامت
لما الحراس نامت
السجن خوف
وخفت.؟
.خفت يامه
لما مات اللى مات
الحلم والذكريات
ومشيت جوه حبل المشنقة
السجن
حاسب. .حاسب
ع الدم تدوس
انا ف قلب الموت
عدت حمامه بيضا
مش طايل جناحها هم
متعرفشى طريق الموت
ولما مات اللى مات
سرحت روحي
عند اللى كانوا امبارح
قادرين يحلوا اللغز
اللى عشش. ...
جوة ننى عنيك يابكرة
مشيت من غير ما التفت
افتكرت نكته قديمة
ضحكت
وبيكى اقسمت
ما ح افرط فيها
د أنا عريسها
من ندى قلبى ارويها
انا سيسبان
واقف ع القنا
ارسم ف السما ..
نجوم واحاديها
اه ياقمر مساي
لونك من لونى
لون جرحى
ومية نيلى
أن اتأخرت. ..
اوعاك تعاتبينى
وحياة لونك القمحى
الباهت على لونى
يالون حلمى وفرحى
عمرى ما ح افرط فيكى
بس انت كمان سامحينى
سامحينى
سامحينى
بقلمي
حمدى البوقي
تعليقات
إرسال تعليق