المواطن الغشيم «
يا حبيبي يا مواطن...
يا معتر يا مسكين...
ليش بتشوف
الموظف عندك
من قمة الهرم
لأصغر موظف في دولتك
هو سيدك وتاج راسك
ليش بتشوف حالك حمار
الزعيم لازم يركبك
ليش المخلاية معلقة برقبتك
فيها الشعير والتبن
ليسد جوعتك
و خيشة من تحتك
ليخرج بعيرتك....
ياحمار.. ياحمار....
عنوانك العبودية....
الإنحاط الفكري دربك..
وين يا حمار كرامتك
وين عزت نفسك
وين أخلاقك
ضيعت أصلك وفصلك
يا أبن آدم
َلا تصرخ من أوجاعك...
ولا تشكي وضعك....
أنت المسؤول يا مخبول...
الهبل ورثته عن أبوك ...
قبله المَسْطول جدك....
يا حمار... ياحمار....
لا تبكي ولا تنوح....
زعيمك غير التبن
ما رح يطعمبك..
مش هيك عوَدك....
رضيت ياحمار.....
أن يكون زعيمك ربك....
تدعوه ليل نهار...
بتطلب مِن مَن سرق رزقك...
بلقمة عيشك...
بركعك على إرْكاكِيبك....
تَيركبك ويسوقك...
محل ما بدو بيوضعك...
بشّوية فُتاة بيطعَمك...
ياحمار... ياحمار.....
يا منفوش ما بتشوف
حالك فرشة قطن أو صوف
الزعيم فوقك
بفرفش ومبسوط...
بيتحلى وبيتسلى...
على حسابك....
و إنت وحمارتك وكرارك....
لصندوق الانتخابات
كل أربع سنين بِجِرَك...
والله عيب.... عيب عليك
لحمار بيوقع بالجورة مرة
و بالتانية ما بيوقع
يا بغل...يا حمار
يا حيوان.... ياثور...
يا ابن آدم....يا مُكرم ..
ليش رضيت تكون
مستعبد في أسطبل
أهبل إبن أهبل
و إنت لو كنت تعلم
بِهَالوطن إنت الأصل
الفهِم يا مواطن
فَضَلوه عن العلم
عبد العظيم كحيل
تعليقات
إرسال تعليق