مناعم
(أشعار خفيفة وراقصة)
الجزء الاول
(أنا وحبيبى)
(١)
حنين(١)
ضمينى وخدينى فى أحضانك أرتاح
على صدرك وأحس بحنانك
ضمينى ضمة شوق أحس بأمانك
أسمع ندا قلبك وأشعر بأنفاسك
(٢)
حنين(٢)
عايز أقولك بحبك من
هنا تسمعيها هناك
وأسمع أنا صدى صوتك
بيقولى بهواك
صعب نتقابل لكن عندى
أمل فى لقاك
(٣)
فى القلب
موجود فى القلب وساكن بنى
له قصور ومساكن
يملك قلبى لدرجة حسيت كأن
ده قلبه وأنا ساكن
(٤)
حبيبتى
أحتاج كل قواميس العالم كى أكتب
لك قصائد فى الغزل والملاغية
وأحتاج كل ورود الحدائق كى أصنع
لك تاج لكن يمعنى الجناينية
(٥)
حبيبي
أصلة جميل قوى بزيادة أصل
جمالة فوق العادة
وضحكتة أفراح و سعادة رقة
حبيبي غير معتادة
(٦)
حبيبي
حبيبي لوجاع ااكلة شيكولاتة
ولو عطش طبعا يشرب عسل
أصل جمالة يا ناس بزيادة
وحلاوتة بيضربوا بيها المثل
(٧)
قلت لها
قلت لها أن الشوق يقتلنى قالت
لو أستطعت جعلت الريح تنقلنى
لكنى لست سليمان النبى أسوس
الريح ولذا فإن ما يقتلك يقتلنى
(٨)
أنا وحبيبي
حبيبي ياناس جماله محصلش
أسيبه وأختار غيره مينفعش
روحي وروحه مربوطه فى
كلبش مهما يحاولوا منتفرقش
وأخد أنا في حبيبي سجن
وتأبيده لو عمري كله أنا مزهقش
(٩)
يا جمالو
هو الجمال جه لحد عندك
وطمعت فية لوحدك
أصلك جميل قوى يا حبيبى
مين فى الجمال قدك
(١٠)
يلزمنى الحلو
يلزمنى الحلو عاجبنى ياناس
على سنة الله ورسوله
وموافق على طلباتها شبكة
ومهر واللى ابوها يقوله
من يوم عيونى ماشفتها
حبتها وسهران ليلى بطوله
مزة جمالها رباني قمر فى
العالى أدعوا لى أنى أطوله
(١١)
نور حياتى
نور حياتى ونبض قلبى وفرح عمرى
روحى بتبعتلك سلام
كنت عايز أكتب قصيدة أوصف فيها
حبى إنما عجز الكلام
(١٢)
يا من ساقتك
يامن ساقتك الأقدار لدربى لتحلو
الحياة وتصفو السنين
وسامحنى الزمان بوصلك فانى
لى بك أشتياقا وحنين
(١٣)
قالت بحبك
لما قالتلى بحبك معرفش أيه جرالى
موجه سعادة سرت فى وجدانى
ونسيت الآم كتير كانت ملزمانى قلت
لها من فضلك أسمعها من تانى
(١٤)
فلتذكرينى
فلتذكرينى إذا ما مرت سنين العمر
ونسانى كل الناس اللاكى
ولتعلمين أني عشت طوال العمر
لا أهوي أحدا فى الدنيا سواكي
(١٥)
قالت وقلت
قالت لو لقانا كان بدرى شويه
والدنيا كانت أتبسمت
قلت لا كانت نفوسنا أتململت
ولا كانت قلوبنا أتالمت
(١٦)
بتشدنى فيك
فى حاجة بتشدنى ليك بخاف
عليك وأشتاق إليك
وأن غبت عن عيني يوم ياغالى
بحتار لحد ملاقيك
(١٧)
عيون حبيبى
حبيت أختار بحر من بحور
الشعر واكتب لك قصيدة
لقيت عنيك بسحرها محتاجة
ألف بحر حلوة وغريقة
(١٨)
يا أم العيون
بس قوليلى كان ليه ده كله
حصل يا أم عيون جراحه
سهمين ورشقوا جوه قلبى
من يومها ماشفت راحه
صابنى ماصابنى من سحرهم
سهرت أنا وإنت مرتاحه
(١٩)
عيون حبيبي
عيون حبيبي لوحدها
محتاجة قصايد
عارفين دة ليه لأن
حسنها ساحر وزايد
(٢٠)
كحل عينك
من كحل عينك نفسي
أملى المحبرة
وأكتب لكى ياحبيبتي
قصيدة معبرة
(٢١)
هو الجمال
هو الجمال جه لحد عندك
وطمعت فية لوحدك
أصلك جميل قوى يا حبيبي
مين فى الجمال قدك
(٢٢)
خد قلبى
خد قلبى وفوقه هواك
وأبعد يمكن أنساك
أناحاسس أن ده قلبك
مطرح متروح وياك
(٢٣)
يصعب علي
يصعب على اللى أحبة يعمل
تقلان وانةمش فاضى
دا لو متعدلش معايا هروح
أشكية دوغرى للقاضى
(٢٤)
قولوا
قولوا (لحبيبتى) أنها جوه قلبى متربعه
والضلوع حواليها حراس
بخاف عليها من النسمه لو مرت جنبها
وارقيها من عيون الناس
(٢٥)
بصراحة
بصراحه *رقيقه *خالص
ضحكتها سيمفونيه
تسمعها تروق وتصفي
وتعيش لحظات هنيه
(٢٦)
الا أنت
مابحبش أزعل حد فما
بالك انت يا غالي
مقدرش أنا على زعلك
حتي لو كان لثوانى
(٢٧)
قالت لماذا
قالت لى لماذا دون النساء
عشقتنى
قلت لها لا أدرى ولا أعرف
لما قابلتك قلت صفا الزمان
مسامحا
وتبسم فى وجهى وأنصف
(٢٨)
أوصف حبيبك
مش لاقى وصف لحبيبي
أوصفة واشرح
انا بس لما بشوفه قصادى
بنشرح وأفرح
(٢٩)
حبيبى
حبيبي هو طويل
مرسوم ومتقسم
خفيف الروح يرد
الروح ومتبسم
(٣٠)
قالت بحبك
لما قلت لها انت جميلةاتبسمت
ظهر على الخدين غمزتين
من ثغرها المبتسم ضوى وظهر
لولى ومرجان على الصفين
(٣١)
قالت صحيح
قالت صحيح بتحبنى قلت طبعا
أكيد بحبك من زمااااان
ظهر على خدودها حمرة الخجل
احلى من جورى البستان
(٣٢)
ابتسم
لو تبتسم تنور دنيتى متبتسم
مانع أبتسامتك عنى ليه
خليها صدقة تنفعك فى آخرتك
معروف أنا بدلك عليه
(٣٣)
ضحكة حبيبى
ياناس أنا لما بسمع ضحكة
حبيبي روحى بتبتسم
معاة بحس بالفرح والأنشراح
يارب منة منحرم
(٣٤)
طعجبانى
يا أم القوام مفرود
والسحر ربانى
سحرك فاق الحدود
صراحة عجبانى
(٣٥)
نفسي ازعل
أنا نفسى ازعل منك لكن قلبى
بيحتج ويزداد دق
عشان كده بسأله هو أنت قلبى
ولا قلبها قول الحق
(٣٦)
لسه بيدق
أعمل أية دلونى أنا قلبى
لسة بيدق
كنت فاكر أنة خلاص بطل
حب وعشق
ده أسمة كلام ياقلبى لا مش
عندك حق
(٣٧)
خد قلبى
خد قلبى وفوقه هواك
وأبعد يمكن أنساك
أناحاسس أن ده قلبك
مطرح متروح وياك
(٣٨)
نفسي
أنا نفسي أقاطع حبك
وأتعاطى علاج لهواك
لو كان الدوا ميت جرعة
يمكن ياحبيبي
انساك
(٣٩)
أفعل مابدالك
من حقك تفعل ما بدالك أفعل
ما شئت ده قرارك
لكن عمرى مكون ضلك ولا
عمري أكون من أملاك
(٤٠)
لويوم
لو يوم حبيت وحبيبك سابك
مقدرش يكمل معلش
يمكن مشوارك غير مشواره
وظروفة صعبة ومقدرش
متشلش في قلبك منه يمكن
لو كنت مكانه متتحملش
(٤١)
مسجون
مسجون في سجنك
ومش قادر أتكلم
راضي بظلمك وساكت
وعمري ما تظلم
(٤٢)
تراهنى
تراهنى أنك مشغول بى
ومحتاج وصلى ومشتاق
بس بتكابر يا حبيبي
وبتعاند بكرة تجيبك الأشواق
(٤٣)
لو حبيت
لو حبيت وفي يوم طبيت
كل الدنيا هتبقي جميله
والوانها بمبي مسخسخ
وابيض واخضر مفيهاش نيله
(٤٤)
موحشتكيش
موحشتكيش كان فيها
أيه لو تسالي
ولا أنت فاكره أن التقل
صنعة بتتقلى
وتسوقى حجه وراها
حجه وتتعللي
سايبك علي راحتك
تتدلعى وتتدللي
الشاعر /عبد المنعم حمدى رضوان
(مناعم)
تعليقات
إرسال تعليق