كرم ميخائيل
* الميت إزاي يقوم *
.........................
*جاي تقولي يلا ننسى....
إللي فات من الهموم.......
مش ممكن أبدا ويقسى....
قلبي تاني عليكي يوم......
بس ناسي حاجه واحده.....
أيوا ناسي حاجه واحده.....
الميت إزاي يقوم............
*كنت عايشة بس ليك........
كنت بعشق كل دنيا..........
فيها نظرة من عنيك..........
بس قلبك باع ف ثانية........
حبي مات وأنا بين إيديك.....
وإللي فاضل دمعه سايله....
*زي ما جيت يلا عود........
وإنسى إنك كنت ليا.........
قلبي مش محتاج وعود.....
كان زمان تصعب عليا.......
جرحك إنت مالوش حدود....
والدموع ملت عنيا............
*بعد غدرك أه هأعيش........
وأنسى حبك إللي كان.........
من الأحزان عملت ريش........
وهأرفرف بيه زي زمان.......
يعني تاني لأما تجيش.........
إنت غلطان في العنوان........
# كلمات / كرم ميخائيل
تعليقات
إرسال تعليق