الادريسي محمد
قصيدة....... لمصيدة......
تعالا نكتبك قصيدة
نكتبك بخطوط عريضة
نشكلك ظروف ومحاين
نشكلك توقع ف مصيدة
أجي نسجلك ديوان
بدمي نكتبك عنوان
عنوان على كل جريدة
تتغنى فكل زمان
تعالا نحكي ليك ع لبارح
ملي كنت فعيني سارح
سارح حروف غريبة
بارزة نياب التمساح
أجي تسمع ما ف لدواخل
يا لي عن جنبي راحل
قاطع وديان وساحل
قاصد بلاد بعيدة
ما ظنيت تحت جناحك
تحفر قبري لصلاحك
تدفن لكسدة ف تنهيدة
ودموعك هما سلاحك
يا لقاطع حبال الود
وساير تبني حد وسد
دوب حروف لقصيدة
يمكن ترجع طرشة ف لخد
ولا بسمة سعيدة
شداتها ديك لمصيدة
30. 11 2020.
الادريسي محمد
تعليقات
إرسال تعليق