مش مضمونة,,,,,,بقلم,,,,,,إسماعيل البلبوشى
قصيدة بعنوان /مش مضمونة
دنيا قلابة وكيادة
مش دايمة لحد خالص
توطي العالي بكوارث
وتعلي الواطى ف مجالس
وبتدي للي مش ناقص
فتزيدة عز وأفادة
وكأنه لها محقوق
٠٠٠٠٠٠٠٠٠
دنيا مجنونة ومش مضمونة
يوم تحت ويوم فوق
يوم ترضى و تديك بزيادة
كأنها لعبت وبقيت ميمونة
و القاسية بقيت أم حنونة
ويوم تغضب تديك بالبيادة
وتشوف سنانها المسنونة
.......................
وفجأه تخلي العبيد سادة
وتحول تعستهم سعادة
وشمسهم يبقى لها شروق
فصحصح وفوق وأياك تأمن
لغدرها مهما تزهزه تروق
ويلعب الزهر ويطلع فوق
٠٠٠٠٠٠٠٠٠٠٠٠٠
فتنسي أنت وتوالس
وتقع وأنت مش حاسس
والحزن يجي عليك كابس
وتلاقي نفسك مزقوق
وحدك مهموم مخنوق
دنيا كيادة بنت لذينا
وكل اللي قداَمك زينة
طلعنا منها وعدينا
يارب على خير
وخلد يا رب أسامينا
ففعل الخير
وأحسن ختامنا ياهدينا
يوم ما تطلع الروح فوق
كلمات وأشعار إسماعيل البلبوشى
تعليقات
إرسال تعليق