بِيكْ عَانِي",,,,,,بقلم,,,,, محمد البراقي
"بِيكْ عَانِي"
بِيكْ عَانِي
يَا نُورْ اعْيَانِي
كُونْ مَا الْحُبْ
مَا نْبَاتْ نْقَلَّبْ
عْلَى لَحْرُوفْ ؤُلَمْعَانِي....
زْرَعْتَكْ وَرْدَة
سْكَنْتِي الْقَلْبْ وَالْكَبْدَة
دِيمَا اسْمَيْتَكْ
عْلَى طَرْفْ لْسَانِي
وَاقْفَة مْعَايَا وَقْتْ الشَّدَّة
مْطَيْرَة عْلِيَّ قَنْطَة مْوَنْسَانِي...
بِيكْ عَانِي
يَا السَّلْبَانِي
بِيك الْحَيَاةْ احْلاَتْ
نَسَّيْتِينِي فَ الْمَاضِي
وَللِّي فَاتْ ؤُفَ الضَّرْسَة
للِّي كَانْتْ مْهَوْسَانِي...
بِيكْ عَانِي
يَا لَمْتَيْهَانِي
بَسْبَابَكْ الشَّمْسْ
عْلَى يَّامِي اضْوَاتْ
بَسْبَابَكْ عَايْشْ مَرْتَاحْ
الْبَالْ هَانِي...
بِيكْ عَانيِ
يَا نُورْ اعْيَانِي
انْتِ الرُّوحْ ؤُلَعْمُرْ
امْهَبْلاَنيِ
لاَگْيَة عْلِيَّا
الصَّهْدْ وَالْبَرْدْ
لْصَدْرَكْ حَايْزَانِي!!
25/2/2022
بقلم محمد البراقي
حفظكم الله وشكرا على توثيق كلماتي
ردحذف