والله بعوده يا رمضان ,,,,,,بقلم,,,,,,,السيد علي القن
((( والله بعوده يا رمضان )))
والله بعوده ياشهر الصوم
أصحي يا نايم صحي النوم
من دلوقت تلاتين يوم
قيام وعباده وصلاه وصوم
أصحي وسبح رب الكون
وادعي أله واحد قيوم
يغفر ذنبك مهما يكون
والله بعوده ياشهر الصوم
شهر موده مع الرحمن
فيه البركه فيه الايمان
فيه الرحمه و الأحسان
فيه العطف ع المسكين
وصي عليها رب العالمين
والله بعوده ياشهر الصوم
من دلوقت تلاتين يوم
لأجل الدنيا علينا تهون
أمسحوا دمع عيون مظلوم
وأكسوا طفل يتيم محروم
أصحي يا نايم صحي النوم
عد بنفسك تلاتين يوم
والله بعوده ياشهر الصوم
أصحي يانايم صحي النوم
من دلوقت نصوم رمضان
غنوا و هنوا بعض كمان
و الله بعوده ياشهر الصوم
ترجع لينا تاني و تدوم
كلمات الاديب الشاعر.د/السيد علي القن
تعليقات
إرسال تعليق