عايش بقاسي الحلم ),,,,بقلم,,,, مجاهد عبدالهادي
*(عايش بقاسي الحلم )
8/12/2022
مجاهد عبدالهادي
لو بتحلم احلم معاياعلشان يتحقق الحلم
زي ما اكون شايفك معايا جوه الحلم
في ضحكتك سلام في عيونك كلام
شايل كتير من الهم
مراكب الصبر طال عليها الوقت
والموجه العالية بتشق الصخر
مش بس القلب يا طير انا بحلم اكون زيك طير
على كتافي جناحين وأنت معايا طايرين
في السما وننسى الهم
الحياه مش دايما فيها الحلو
كاس العسل كاسيه المر واهي دنيا أيام وبتمر
اللي فات ده كان حلم واللي جاي ده في العلم
طول العمر عايش بقاسي الحلم
ولسه بتدور السواقي في البركة
الغويطه وتنقي في القواديس
اللي في الحاضر واللي في الماضي
وترمي عالبر صبر
ترس يجر الترس لكن عمرها ما لفت عالفاضي
ولسه الكلام ماخلصش
زي سكين بتدوس عالوجع وتمر
وانا زيك حزين بقاسي الحلم
لو بتحلم معايا لازم تعيش الحلم
تعليقات
إرسال تعليق